उच्च न्यायलय के कार्यवाही ल गलत व्याख्या करके भाजपाई मन संवैधानिक संस्थान के दुरूपयोग के पाप ले नई  बाच सकय: वर्मा

छत्तीसगढ़ मे ईडी के दुर्भावना के कारवाही म सर्वाेच्च न्यायालय ह ठोसहा कहिस , तभो ले भाजपाई के अन्ते – तन्तें बयानबाजी।

भाजपा के राजनीतिक एजेंडा ल पूरा करे बर ईडी अउ आईटी छत्तीसगढ म जमे हे।
प्रदेश कांग्रेस कमेटी के वरिष्ठ प्रवक्ता सुरेंद्र वर्मा के कहना हे की, भारतीय जनता पार्टी ह आदतन झूठ बोल थे ,  संविधान विरोधी चरित्र अउ संवैधानिक संस्थान के दुरूपयोग म परदा करे बर हाई कोर्ट के कारवाही ल गलत बता के जनता म परदा करे के प्रयास करे हे। ईडी के प्रवक्ता बरोबर भारतीय जनता पार्टी के नेता मन  बात रहिथे ।
घेरी- बेरी भ्रष्टचार के बात काहत रहिथे , ये बात बताये के कांग्रेस के कोन नेता मन करा ईडी आईटी ह अब तक कतका संपति जब्त करे हे। अउ का -का बरामद करे हें ।
भ्रटाचार म डूबे भाजपाई ,भूपेश सरकार म प्रमाणित आधार म एक रूपया के भी भ्रष्टाचार के आरोप नई लगा पईस। खाली भारतीय जनता पार्टी के राजनीतिक एंजेडा ल पूरा करे बर ईडी अउ आईटी छत्तीसगढ़ म जमें हे।
भाजपा के बड़का नेता अउ केंद्र के मोदी सरकार तको मान डरे हे, कि छत्तीसगढ़ म भूपेश म भरोसे के सरकार के आगु भारतीय जनता पार्टी चुनावी मुकाबला म कोनो मेर नई हें। तेखरे सेती ईडी ल भारतीय जनता पार्टी  ह एक संगठन के रूप म  भेजे हे।
वर्मा ह आगु कहिन कि सुप्रीम कोर्ट के कमेंट 18 जुलाई 2023 के सुनवाई म सुप्रीम कोर्ट ह ईडी के जांच म रोक लगाईस। सुनवाई म सर्वोच्च न्यायलय ह इहू बाता ल कहिन की छत्तीसगढ़ म ईडी के कार्यवाही ईडी मैन्युअल म तय नियम के खिलाफ हे। जिहा- जिहा भाजपा राजतनीतिक रूप म कमजोर होईस , उहॅा – उहाॅ केंद्र के मोदी सरकार के इसारा म जांच एजेंसी के माध्यम ले चुने सरकार ल स्थिर करे के षड्यंत्र रचे जाथे। मणिपुर, गोवा , कर्नाटक अउ महाराष्ट एखर ताजा उदारहरन हें ।

Leave a Reply

Your email address will not be published. Required fields are marked *