गोधन न्याय योजना ह खोलिस महिला मन के बढ़वार के रद्दा

छत्तीसगढ़ शासन के महत्वाकांक्षी योजना मन म ले एक हे गोधन न्याय योजना। ये योजना के शुरुआत करे के उद्देश्य पशुपालक मन के आर्थिक स्थिति म सुधार करना हे। ये योजना के तहत शासन कोति ले गौपालक किसान मन ले गोबर खरीदी के खरीदे गोबर ले वर्मी कम्पोस्ट बनाए के काम करे जात हे। जेन ल वन विभाग, उद्यानिकी अऊ कृषि विभाग अऊ किसान मन ल बेचे जात हे। छत्तीसगढ़ शासन के महत्वाकांक्षी योजना गोधन न्याय योजना के तहत दंतेवाड़ा ब्लॉक के गौठान मन म आजीविका संवर्धन अऊ गौपालक किसान मन ल आर्थिक सहायता देहे के उद्देश्य ले कई ठन ग्राम पंचायत मन म गौठान अऊ चारागाह के निर्माण करे गए हे। ये योजना गांव वाले मन बर आमदनी के बेहतर स्रोत बन के उभरे हे। जेखर कारण ग्रामीण अर्थव्यवस्था ल मजबूती मिलत हे।
जनपद पंचायत दंतेवाड़ा अंतर्गत ग्राम पंचायत बालपेट के आश्रित ग्राम भैरमबंद गौठान म केंचुआ खाद अऊ सुपर कम्पोस्ट खाद के निर्माण करे जात हे जेन ह आज के स्थिति म उत्पादक अऊ विक्रय के केन्द्र बने हे। अब तक ये केंद्र के कुल गोबर खरीदी 2216576.07 किग्रा. हे जेखर मूल्य 4433152.14 रू. गोबर बेचइया हितग्राही मन ल देहे जा चुके हे। भैरमबंद गौठान के गोबर ले केंचुआ खाद कुल मात्रा 219425 किलोग्राम ल राशि 21,89,230 रू. अऊ सुपर कम्पोस्ट कुल मात्रा 20,000 किलोग्राम ल 1,20,000 रू. म बेचे गए हे। ये गौठान म अभी हाल म कुल 15-20 समूह के दीदी मन काम करत हें। दीदी मन गोबर खरीदी करके खाद बनावत हें। गोबर ले महिला समूह मन जैविक खाद बनाके एकर विक्रय ले लाभ अर्जित करत हें। संगें-संग सब्जी उत्पादन जइसे आन गतिविधि घलोक करे जात हे। गौठान म गोबर खरीदी ले बहुत अकन रोजगार सृजन होए हे। एखर से जिहां एक कोती भुंइया के माटी म सुधार होवत हे उहें गुणवत्ता सहित फसल उत्पादन ल बढ़ावा मिलत हे।