कारतिक पुन्नी जनम दिन हे
मां तुलसी के आय।
डारा पाना लहसय अंगना
सुख शांति बरसाय ।।
तुलसी चौरा घर अंगना के
पवित्र हरय सिंगार।
जेन अंगना तुलसी बिराजे
सुखी रहय परिवार।।
तुलसी मां गमल बोवागे
टंगाय छत डहार।
कइसे बरसे आशिष घर में
नई हे अब दुवार।।
घर बनत हबय कुरिया कुरिया
अंगना बनगे हाल।
तुलसी चौरा अब दिखय नही
कलह गुंजय दिवाल।।
हरियर हरियर तुलसी पाना
करय रोग उपचार।
तुलसी चौरा जरूर राखव
रखव अंगना दुवार।।
माता तुलसी के जनम दिन के गाड़ा गाड़ा शूभ कामनाएं।
दीपक पटेल- महासमुंद
