छत्तीसगढ़ के पंचायत ल 11 राष्ट्रीय पुरुस्कार

छत्तीसगढ़ के पंचायत ल 11 राष्ट्रीय पुरुस्कार
सरलग तिसरैया बछर राज के बड़ उपलब्धी
छत्तीसगढ़ के तीन इस्तरिय पंचायतराज संसंथा अपन काम के लोहा पूरा देस मनवा वाथ हे ।प्रदेस के ग्राम पंचायत ,जनपद पंचायत संग जिला पंचायत ल सरलग तिसरैया बछर आने आने श्रेणी म 11 रास्ट्रीय पुरुस्कार मिलिस । केन्द्रीय पंचायती राज मंत्रालय कोती ले घोसित रास्ट्रीय पुरुस्कार के विजेता के सूची म प्रदेस के आठ ग्राम पंचायत अउ दु जनपद पंचायत संग एक जिला पंचायत सामिल हे ।
केन्द्रीय पंचयती राज मंत्रालय कोती ले कोंडागांव जिला पंचायत, गरियाबंद अउ तिल्दा जनपद पंचायत संग सरगुजा जिला के अम्बिकापुर विकासखंड के सरगांव व लुंड्रा विकासखंड के गिरी , बालोद जिला के गूँगाड़देही विकासखंड के माहुद (अ) , कबीरधाम जिला के सहसपुर लोहरा विकासखंड के महराटोला व रइपुर जिला के आरंग विकासखंड के बैहर ग्राम पंचायत के चयन दीनदयाल उपाध्याय पंचायत सशक्तिकरण पुरुस्कार बर करे गे हे । रास्ट्रीय पंचायत पुरुस्कार 2021 के अंतर्गत बीजापुर जिला के भोपालपट्टनम विकासखंड के दूरस्थ वनांचल की गोटाइगुड़ा ग्राम पंचायत ल नानांजी देसमुख रास्ट्रीय गौरव ग्राम सभा पुरुस्कार , रास्ट्रीय जिला के अभनपुर विकासखंड के नवागांव (ल) ल बाल मित्र ग्राम पंचायत पुरुस्कार व आरंग विकासखंड के बैहार पंचायत ल ग्राम पंचायत विकास योजना पुरुस्कार दे जाही।

विभागीय जानकारी के अनुरूप बछर 2019 अउ 2020 म भी छत्तीसगढ़ के अलग -अलग 11 ग्राम पंचायत ,जनपद पंचायत संग जिला पंचायत के रास्ट्रीय पंचायत पुरुस्कार हासिल करें हे।।।

मुख्यमंत्री ह दिन बधाई- मुख्यमंत्री भूपेश बघेल ह प्रदेस के पंचयतिराज संस्था के उपलब्धि म सबो जनप्रतिनिधि अउ विभागीय अधिकारी कर्मचारी ल बधाई दिन ।उन कहिंन की प्रदेस के जिला ,जनपद अउ ग्राम पंचायत सासन के योजना के मैदानी स्तर म करिनियांवन म महत्वपूर्ण भूमिका निभा वत हे स्थनीय स्वासन के उत्कृष्ट काम कारज ल हर बछर रास्ट्रीय स्तर म अपन पहिचान बना वत हे ।।