महात्मा गांधी के सफाई के संदेश ला घर-घर पहुँचाना हे: मंत्री टंकराम वर्मा

स्वछता दीदी मन ला सम्मानित करिस

गांधी स्मृति ठउर मा शिलालेख के अनावरण करिस

राजस्व मंत्री टंकराम वर्मा आज बलौदाबाजार पुरानी मंडी परिसर मं स्थित ऐतिहासिक गांधी स्मृति स्थल मं महात्मा गांधी के आगमन अउ दलित उत्थान के संदेश के शिलालेख ला अनावरण करे। वोह जनप्रतिनिधि अउ अधिकारी मन संग राष्ट्रपिता महात्मा गांधी अउ पूर्व प्रधानमंत्री स्व. लाल बहादुर शास्त्री के जयंती मं उनकर छायाचित्र मं श्रद्धासुमन अर्पित करके उंखर ला नमन करे। ए अवसर मं स्वच्छता ही सेवा पखवाड़ा के अंतर्गत परिसर मं पेड़ रोपण करे गे अउ स्वच्छता के शपथ दिलाए गए। वर्मा कहिस कि महात्मा गांधी के स्वच्छता के संदेश ला घर-घर पहुंचाना हे। एकरे संग संग स्वच्छता दीदी मन ला सम्मानित घलो करे गे। मंत्री वर्मा कहिस कि राष्ट्रपिता महात्मा गांधी के सन् 1933 मं ए मंडी परिसर मं आगमन होए रहिस अउ उंहोंने एहा स्थित कुंए के पानी ला दलित मन ला पिला के छुआ-छूत मिटाय के संदेश देय रहिस। ए प्रकार के ऐतिहासिक स्थल ला संजोना बहुंत जरूरी हे त ताकि आने वाला पीढ़ी इतिहास ला जान सके। गांधी स्मृति स्थल जिले के अनमोल धरोहर हे। एला संजोय अउ संवारे के काम जिला प्रशासन अउ नगर पालिका द्वारा करे जावत हे।

एला बचाय के अउ सँवारय के काम जिला प्रशासन अउ नगर पालिका दुवा करथें। उंहें कहिन कि 17 सितम्बर ले शुरू होए स्वच्छता ही सेवा पखवाड़ा के समापन ए ऐतिहासिक जगह मं होवत हे, ए घलो गौरव के दिन आय। हम सब झन मिलके बलौदाबाजार ला मॉडल जिला बनाबो। वर्मा जनप्रतिनिधि अउ अफसर मन ला स्वच्छता के संकल्प दिलाइन।

कलेक्टर कहिन कि गांधी स्मृति स्थल ला संरक्षित अउ सँवारय मं सबके सहभागिता जरूरी हे। ए जगह ला पर्यटन स्थल के रूप मं विकसित करे बर जिला प्रशासन काम करथे। नगरपालिका अध्यक्ष अशोक जैन कहिन कि महात्मा गांधी सत्य अउ अहिंसा के रास्ता मं चलके देश ला आजादी दिलाइन। सबके सहयोग ले ए गांधी स्मृति स्थल ला सजाय-संवारय के काम कर जाही। गांधी स्मृति स्थल के साफ-सफाई, रंग-रोगन, लाइट लगाय गीस हे। कुआँ के सफाई अउ लोहा के जाली लगाय गीस हे। अइसने आगू घलो काम करत रहिबो। कार्यक्रम ला पुलिस अधीक्षक भावना गुप्ता घलो सम्बोधित करिन।