हमर संविधान, हमर स्वाभिमान : संविधान भारत के जुन्ना संस्कृति, इतिहास अउ परंपरा के दर्पण : मुख्यमंत्री
संविधान दिवस पदयात्रा म मुख्यमंत्री, मंत्री, विधायक मनके होइस भागीदारी
संविधान दिवस पदयात्रा मुख्यमंत्री विष्णुदेव साय ह आज बिहनिया संविधान दिवस पदयात्रा कारीकरम म सामिल होईन। संविधान दिवस पदयात्रा पंडित जवाहरलाल नेहरू स्मृति चिकित्सा महाविद्यालय सभागार ले सुरू होके अंबेडकर चौक म सिराही। मुख्यमंत्री ह डॉक्टर भीमराव अंबेडकर के मूर्ति म फूलमाला चढ़ाके ओमन ल श्रद्धांजलि दीन। ये मउका म उप मुख्यमंत्री अरूण साओ, खेल अउ युवा कल्याण मंत्री टंकराम वर्मा, वन मंत्री केदार कश्यप, खाद्य मंत्री दयालदास बघेल, पूर्व विधानसभा अध्यक्ष धरमलाल कौशिक, विधायक इंद्र कुमार साहू, गुरु खुशवंत साहेब, अनुज शर्मा, महिला आयोग के सदस्य लक्ष्मी वर्मा अउ युवा आयोग के अध्यक्ष विश्वजीत तोमर उपस्थित रिहिस।
मुख्यमंत्री विष्णुदेव साय ह पंडित जवाहरलाल नेहरू स्मृति चिकित्सा महाविद्यालय सभागार म ए मउका म आयोजित कार्यक्रम ल संबोधित करत किहिन के हमर संविधान भारत के सदियों पुराना संस्कृति, इतिहास अउ परंपरा के दर्पण हावय। ये संविधान हमर सदियों के संघर्ष, अनुभव अउ उपलब्धि के उपज हावय।
