श्री रामलला दर्शन योजना : रायपुर ले 850 श्रद्धालु अयोध्या बर रवाना होइस
राजस्व मंत्री वर्मा अउ खाद्य मंत्री बघेल ह ए रेलगाड़ी ल हरियर झंडी देखाके रवाना करीन।
संगेसंग काशी विश्वनाथ म श्रद्धालु मन घलो दर्शन करही।
राजस्व मंत्री वर्मा अउ खाद्य मंत्री बघेल ह ए रेलगाड़ी ल हरियर झंडी देखाके रवाना करीन।
मुख्यमंत्री विष्णुदेव साय के पहल म सुरू करे गे श्रीराम लला दर्शन योजना के तहत चलाये जात स्पेशल ट्रेन आज रायपुर रेलवे स्टेशन के प्लेटफार्म नंबर 07 ले रवाना होइस। ए रेलगाड़ी ल राजस्व मंत्री टंक राम वर्मा ह हरा झंडी देखाके रवाना करीन। ए बिसेस ट्रेन ले साढ़े आठ सौ श्रद्धालु मनके जत्था अयोध्या धाम बर रवाना होईस। ए मउका म खाद्य मंत्री दयाल दास बघेल, विधायक पुरंदर मिश्रा, जनप्रतिनिधि अउ बड़ संख्या म श्रद्धालु उपस्थित रिहिस।
श्री रामलला दर्शन यात्रा ल लेके श्रद्धालु मन म अब्बड़ उछाह देखे जात हे। श्रद्धालु मन ह भगवान राम के जयकारा करत अयोध्या धाम बर रवाना होगे हे। ट्रेन म श्रद्धालु मन भजन अउ कीर्तन करत श्री रामलला ल भक्ति वातावरण म देखे बर जावत हे।
