एनसीसी युवा मन म देशभक्ति अउ अनुसासन के भावना जगाथे : मुख्यमंत्री विष्णुदेव साय

76वां एनसीसी दिवस समारोह म सामिल होइस मुख्यमंत्री

एनसीसी दिवस मुख्यमंत्री विष्णुदेव साय ह आज राजधानी रायपुर के पुलिस परेड मैदान म राखे गे छिहत्तरवां एनसीसी दिवस समारोह म सामिल होईन। मुख्यमंत्री श्री साय ह एनसीसी दिवस समारोह ल संबोधित करत किहिन के एनसीसी युवा मन म देशभक्ति अउ अनुशासन के भावना जगाथे अउ राष्ट्रीय एकता ल मजबूत बनाथे। मुख्यमंत्री ह एनसीसी कैडेट मनके परेड के सलामी लीन। एनसीसी दिवस कार्यक्रम म एनसीसी के पढ़ईया मन मार्च पास्ट, सांस्कृतिक कार्यक्रम के संग घुड़सवारी, तीर मॉडलिंग, सेक्शन मूवमेंट, सीमा फोर जइसे प्रदर्शन करिन। मुख्यमंत्री ह उत्कृष्ट प्रदर्सन करइया कैडेट मन ल इनाम दीन। ए मउका म ओमन छिहत्तरवां एनसीसी दिवस समारोह के मउका म प्रकासित पुस्तक के विमोचन घलो करीन।

मुख्यमंत्री विष्णुदेव साय ह 76वां एनसीसी दिवस के मउका म सबो ल अपन बधाई अउ सुभकामना दीस हावय।