हमर व्यापारी हमर संगवारी

छत्तीसगढ़ के इतिहास म आज पहली बार छत्तीसगढ़िया व्यापारी अउ उद्योग धंधा कररिया मन बर “छत्तीसगढ़िया वाणिज्य एवं उद्योग महासंघ ” के डाहर ले छत्तीसगढ़िया व्यापारी के सम्मान के संगे -संगे सरकार के जनकल्यानकारी योजना के लाभ कइसे मिलसकत हे, तेखर बर ‘हमर व्यापारी हमर संगवारी ‘ कार्यक्रम के आयोजन सहर के निजी होटल म आयोजित करे गे हे ।
कार्यक्रम के मुख्य अतिथि राज के मुख्यमंत्री भुपेश बघेल हे संग अन्य मंत्री ,अधिकारी मन उपस्थित रहीं , मुख्यमंत्री के हाथ ले 50 व्यापारी ल सम्मानित करे जाही । कार्यक्रम म लगभग 500 व्यापारी उपस्थित के अनुमान हे ,
उक्त जानकारी छत्तीसगढ़िया वाणिज्य एवं उद्योग महासंघ के अध्यक्ष शेखर वर्मा , कार्यक्रम निर्देशक मनीष टिकरिहा के संग अन्य सदस्य मन दिन ।।