एक परिवार के तीन पीढ़ी ल मिलत हाबे महतारी वंदन योजना के लाभ

परिवार डहर ले पांच बेटी के पढ़ाई ले बिहाव तक के योजना बनाये गिस

अब तक प्रदेस के सत्तर लाख माईलोगिन मन ल अंठावन सौ अठहत्तर करोड़ सैंतीस लाख रूपिया के रासि दे जा चुके हे

छत्तीसगढ़ शासन के महतारी वंदन योजना आत्मनिर्भरता के एक प्रमुख साधन बन गे हावय अउ महिला, गरीब अउ जरूरतमंद परिवार के खातिर आर्थिक सहयोग छत्तीसगढ़ के आने-आने जिला म महतारी वांदन योजना ले ताकत मिलत हाबे। कबीरधाम जिला के बोड़ला विकासखंड के ग्राम भोंडा निवासी मरार पटेल के संयुक्त परिवार आज हितग्राही परिवार के खातिर प्रेरणा हावय। ए परिवार म सदाराम पटेल, उंकर छोटे भाई रामकुमार पटेल अपन पत्नी, बेटा, बहू अउ नाती-नाती के संग रहत हावयं। ए परिवार के तीन पीढ़ी ल सरकारी योजना मन के लाभ मिलत हाबे। महतारी वंदन योजना ले ये परिवार आर्थिक मजबूती पाके बेटी मन के उज्जवल भविष्य के खातिर ठोस योजना तको बनात हावय।

संयुक्त परिवार के सशक्त कहानी

सदाराम पटेल अउ उंखर पत्नी सुखबती पटेल के दू बेटा अउ बहू हे। बड़े बहू दिलेश्वरी (पति श्री गीतराम) अउ उंकर तीन लइका बरखा, अंजू अउ प्रभा। दूसरइया बहू मनीषा (पति जगियाराम) अउ उंकर बेटा मिंटाशु हावय। सदाराम के छोटे भाई रामकुमार पटेल अउ उंकर पत्नी बिरझा बाई के तको दू बेटा अउ बहू हावयं। बड़े बहू अनिता (पति नरेंद्र) के दू बेटा अउ एक बेटी हावय। अइसने दूसरइया बहू गनेसिया (पति फगियाराम) हावय अउ उंकर एक बेटी हावय।

सुकन्या समृद्धि अउ ग्रामीण डाक जीवन बीमा योजना

परिवार के बहू अउ माता मन ह मुख्यमंत्री विष्णुदेव साय के महतारी वचन योजना के खातिर आभार व्यक्त करे हावय। ओमन योजना ले मिले पइसा के उपयोग बेटी मनके पढ़ई अउ बिहाव बर करे के फइसला लेहे। उहें, ग्रामीण डाक जीवन बीमा म सुकन्या समृद्धि योजना अउ लाभकारी योजना मन म निवेश करे के फइसला ले गेहे। ओमन कहे हे कि ये योजना ले लइका मनके भविष्य सुरक्षित होही।

ये योजना 2039-40 तक उंकर लइका के भविष्य के खातिर आर्थिक रूप ले मददगार साबित होही। पटेल परिवार के बहू सुखबाती पटेल अउ बिरझा बाई ह किहिन के महतारी वंदन योजना ले हमन ल आत्मनिर्भर बने अउ अपन लइका के बढि़या भविष्य के दिशा म काम करे के आत्मविश्वास मिले हावय। परिवार ले हर महीना 6 हजार रूपिया के अतिरिक्त आमदनी ले हमर जीवन स्तर बढि़या अउ खुशहाल होए लगे हावय। पांच बछर म ए रासि तीन लाख साठ हजार तक पहुंच जही। ओमन किहीन कि हमन ल भरोसा हे कि ए योजना जारी रइही।

जानबा होवय के छत्तीसगढ़ सरकार के महतारी वंदना योजना के शुभारंभ प्रधानमंत्री नरेंद्र मोदी ह 1 मार्च 2024 के करे रिहिस, जेकर उद्देश्य महिला स्वास्थ्य, पोषण, आर्थिक स्वावलंबन अउ सशक्तिकरण ल बढ़ावा देना हावय। ए योजना म इक्कीस बछर ले जादा उमर के पात्र विवाहित माईलोगिन मन ल एक हजार रूपिया के मासिक आर्थिक सहायता दे जात हे। ए योजना म प्रदेस के माईलोगिन मन ल अब तक कुल 5878 करोड़ 37 लाख रूपिया दे जा चुके हे।

महतारी वंदना योजना ह महिला मन ल आत्मनिर्भर बनाये के संग ही उंकर परिवार ल आर्थिक स्थिरता प्रदान करे हावय। ये योजना न केवल वर्तमान के जरूरत ल पूरा करत हावय, बल्कि भविष्य के मजबूत बुनियाद तको रखत हावय।