न्याय के चार साल

अबुझमाड़ अंचल म चलत मसाहती सर्वे, नारायणपुर जिला 110 गाव के 7 हजार 7 सौ ले जादा किसान मनल मिलिस मसाहती खसरा

लगभग 4 हजार वर्ग किलोमीटर म फैले अबुझमाड़ के क्षेत्र पहाड़ अउ घना जंगल ले घिरे हावय। अबुझमाड़ क्षेत्र अभी के बेरा म नारायणपुर, बीजापुर अउ दंतेवाड़ा ले समाहित हावय। ए अंचल म जनजाति परिवार के लोगन निवास हावयं ये क्षेत्र लंबा समय ले अलग-थलग रिहिन। इहां भूमि के सर्वे आजादी के बाद ले नइ हो पाये रिहिस, जेकर सेती इहां निवास करत आदिवासी किसान मन के कई रकम ले के दिक्कत के सामना करना पड़ता रिहिस। मुख्यमंत्री भूपेश बघेल के पहल म छत्तीसगढ़ सरकार ह अबुझमाड़ अंचल के किसान मन के दिक्कत ल समझत इहां मसाहती सर्वे कराये के जरूरी फइसला लिस।
अबूझमाड़ के 275 गांव म चलही सर्वे
नक्सल प्रभावित क्षेत्र अबूझमाड़ ले बस्तर संभाग के जिला नारायणपुर, बीजापुर, अउ दंतेवाड़ा के लगभग 275 ले जादा असर्वेक्षित गांव स्थित हावयं। ये गांव के कोनो सरकारी अभिलेख तइयार नइ हावय। मंत्रिपरिषद डहर ले फइसला लिस के अबूझमाड़ क्षेत्र के असर्वेक्षित गांव म साल ले निवासरत लगभग 50 हजार ले जादा लोगन के उंकर कब्जा म धारित भूमि के मसाहती खसरा अउ नक्शा उपलब्ध कराइन जाही। येकर ले किसान परिवार के पास उंकर कब्जा के भूमि के सरकारी अभिलेख उपलब्ध हो सकही अउ वो अपन काबिज भूमि के अंतरण करके सकही। ए रकम ले अबूझमाड़ क्षेत्र ले लगभग 10 हजार किसान मन के 50 हजार हेक्टेयर ले जादा भूमि के स्वामित्व पाये होही।

27 अगस्त 2019 के मंत्री परिषद के फइसला के पालन म छत्तीसगढ़ के राजस्व विभाग डहर ले नारायणपुर जिला म मसाहती सर्वे के खातिर 246 गांव के अधिसूचित करे गिस। ये गांव म सरी ओरछा विकासखण्ड के 237 गांव अउ नारायणपुर विकासखण्ड के 9 गांव सामिल रिहिस। अब तक नारायणपुर जिला के 110 गांव के मसाहती सर्वे करिन जा चुके हावय जिसमे ले नारायणपुर विकासखण्ड के असर्वेक्षित 9 ग्रामांे के अउ ओरछा विकासखण्ड के 101 गांव के सर्वे करिन जा चुके हावय। अब तक 7 हजार 7 सौ ले जादा लोगन के मसाहती खसरा के बाट चुके हावय।

अबुझमाड़ अंचल म बहुत ले किसान साल ले वन क्षेत्र के भीतर काबिज भूमि म खेती करत आत रिहिस, फेर ए क्षेत्र म भूमि के सर्वें नइ होए के सेती उंकर पास भूमि संबंधी कोनो तको दस्तावेज नइ रिहिस। जेकर सेती न त कोनो सरकारी योजना के लाभ ले पाते रिहिस अउ न ही ओला खेती-किसानी के खातिर बैंक ले करजा मिल पात रिहिस। मुख्यमंत्री भूपेश बघेल ह अइसे किसान मन के तकलीफ के समझत नारायणपुर जिला के अबुझमाड़ अंचल म सर्वे के काम सुरू कराइन अउ किसान मन के मसाहती पट्टे दीस। येकर ले अइसे किसान मन के भूमि के मालिकाना हक मिलत हावय। अंचल के कई किसान मन के जिनगी म खुशी के रंग भर गे हावयं।