‘हमर लैब

छत्तीसगढ़ के जिला अस्पताल अउ सामुदायिक स्वास्थ्य केंद्र मन म चलत ‘हमर लैब’ पुरा देस बर मिसाल बनत हे। दुसर राज्य के अधिकारी अउ डॉक्टर अपन राज्य म ये तरह के लैब खोलो बर हां के ‘हमर लैब’ के अध्ययन भ्रमन बर आत हे। अभी राजस्थान, कर्नाटक के डॉक्टर अउ अधिकारी के दल ह राज्य के ‘हमर लैब’ के दउरा करके अधोसंरचना अउ कार्य प्रनीली के जानकारी लिन। एनएचएसआरसी (National Health System Resource Centre) नई दिल्ली, असम के डॉक्टर अउ अधिकारी के टीम घलो येकर अध्ययन दउरा म आहि।
राज्य सरकार के स्वास्थ्य अउ परिवार कल्यान विभाग ह स्वास्थ्य सेवाओं के सुदृढ़ीकरन बर सरकारी अस्पताल ल जादा साधन संपन्न बनाय के संगे संग मउजूदा सुविधा ल मजबुत करत हे। जिला अस्पताल अउ सामुदायिक स्वास्थ्य केन्द्र म सस्ता दर म कई तरह के जांच के सुविधा प्रदान करे रास्ट्रीय स्वास्थ्य मिनन, छत्तीसगढ़ के ‘हमर लैब’ स्थापित करे जात हे। ‘हमर लैब’ देखे बर अवइया राजस्थान अउ कर्नाटक के टीम ह एक ही छत के नीचे ही लैब के गुणवत्तापूरन डायग्नोस्टिक सेवा के सराहना करे जात हे। ‘हमर लैब’ ह कोरोना काल के दउरान घलो सरलग सेवा देत हे। रास्ट्रीय अउ अंतर्राष्ट्रीय स्तर म स्वास्थ्य के क्षेत्र म काम करत हे सीडीसी, जपाईगो, पाथ अउ क्लिंटन फाउंडेशन जइसे संस्था घलो ‘हमर लैब’ के भ्रमण करिस अउ येकर प्रसंसा करिन।
रास्ट्रीय स्वास्थ्य मिशन के संचालक डॉ. प्रियंका शुक्ला ह बताइस कि ‘हमर लैब’ म जांच के संख्या म सरलग बढ़ोतरी होत हे। रायपुर जिला अस्पताल के ‘हमर लैब’ के सफल संचालन अउ येका अच्छा परिनाम ल देखत हुए अन्य जिला अस्पताल म घलो लैब खोले जाहि। राज्य के 9 जिला अस्पताल दुर्ग, बालोद, बलौदाबाजार, कांकेर, कोंडागांव, बस्तर, सुकमा, बीजापुर, बलरामपुर अउ तीन सामुदायिक स्वास्थ्य केन्द्र मानपुर, पाटन अउ पलारी म ‘हमर लैब’ के स्थापना करे जात हे। एफआरयू सामुदायिक स्वास्थ्य केन्द्र म घलो येकर स्थापना करे जाहि।
देश के पहिली लोक स्वास्थ्य इकाई सामुदायिक स्वास्थ्य केन्द्र पाटन म
विकासखंड स्तर म देस के पहिली लोक स्वास्थ्य इकाई (ब्लॉक पब्लिक हेल्थ यूनिट) सामुदायिक स्वास्थ्य केन्द्र पाटन म स्थापित करे जाहि। इहां ‘हमर लैब’ के माध्यम ले मरीज मन के सब्बो तरह के जांच के सुविधा उपलब्ध कराय जाहि। जिला चिकित्सालय के ‘हमर लैब’ म 120 प्रकार के अउ सामुदायिक स्वास्थ्य केन्द्र के लैब म 50 तरह के जांच के सुविधा हे। ये लैब के संचालन स्थानीय स्तर म उपलब्ध संसाधन ले करे जात हे।