मरीज मन भर ‘दाई कोरा‘ के निरमान अनुकरनीय काम: मुख्यमंत्री भूपेश बघेल

मुख्यमंत्री भूपेश बघेल ह मुख्य चिकित्सा स्वास्थ्य अधिकारी कार्यालय म मरीज मन बर दान स्वरूप निर्मित आश्रय भवन ‘दाई कोरा‘ के सुभारभ करिन। मुख्यमंत्री बघेल ह दानदाता के सराहना करत कहिन कि ये मानव समाज के हित म प्रसंसनीय अउ अनुकरनीय काम हरय। आश्रय भवन दाई कोरा म रुकइया मरीज के परिजन बर भोजन के व्यवस्था घलो करे बर कहिन।
बता दन कि भरत वर्मा अउ गंगोत्री वर्मा ह अपन बेटी स्वर्गीय स्मृति गुंजन बघेल अउ बेटा स्वर्गीय राकेश वर्मा के स्मृति म डी. के. एस. अस्पताल म अवइया मरीज मन के परिजन के रूके बर 12 बिस्तर के ‘दाई कोरा‘ नाव ले आश्रय भवन के निरमान कराय गेय हे। ये भवन सर्व-सुविधायुक्त हे, जेमा पीये के पानी बर आर.ओ. फिल्टर युक्त स्वच्छ जल के व्यवस्था हे। येर संग ही सर्वसुविधायुक्त महिला अउ पुरुष मन बर रूम के निरमान कराय गेय हे। जेमा महिला मन बर 6 बिस्तर अउ पुरूष मन बर 6 बिस्तर युक्त रूम हे। जेमा अलग ले हर रूम म अटैच रूम म नहाय बर बाथरूप अउ टायलेट के व्यवस्था हे। येकर संग ही गर्मी ले राहत बर कुलर के बेवस्था घलो करे गेय हे। येकर संग ही ये भवन के पहिली तल म चिकित्सक अउ पैरामेडिकल विभाग के अधिकारी अउ कर्मचारी मन के प्रशिक्छन बर कक्छ के निरमान कराय गेय हे। जेला विभाग के दैनिक उपयोग बर दान करे गेय हे। ये भवन के कुल लागत 45.50 लाख आय हे। जेकर निरमान खुद भरत वर्मा ह अपन खर्चा म कराय हे। स्वास्थ्य अउ परिवार कल्यान विभाग, रायपुर के मुख्य चिकित्सा अउ स्वास्थ्य अधिकारी डॉ. मीरा बघेल ह भरत वर्मा अउ गंगोत्री वर्मा के प्रति आभार प्रकट करिन।

इस मउका म स्वास्थ्य मंत्री टी.एस. सिंहदेव वीडियो कॉन्फ्रेंसिंग के माध्यम से कार्यक्रम में जुड़िन। विधायक सत्यनारायण शर्मा, कुलदीप जुनेजा, महापौर एजाज ढेबर, कलेक्टर डॉक्टर सर्वेश्वर भुरे, सीएमएचओ डॉ. मीरा बघेल, जनप्रतिनिधि, विभाग के अधिकारी अउ कर्मचारी उपस्थित रहिन।