बस-ट्रक में होइस टक्कर, 13 जवान घायल, मुख्यमंत्री भूपेश कार्यक्रम ल करिन रद्द
बस-ट्रक में होइस टक्कर, 13 जवान घायल, मुख्यमंत्री भूपेश कार्यक्रम ल करिन रद्द
जांजगीर-चांपा। जिला म सुक्कवार के एक बस ट्रक ले टकरा गेय। बस म पुुलिस जवान मन सवार रहिन। ये हादसा म लमसम 13 पुलिस कर्मी घायल हो गेय। घायल जवान मन ल अस्पताल म भरती कराय गिस। बता दन कि पुलिस जवान के ड्यूटी मुख्यमंत्री के सुरक्छा म लगाय गेय रहिस। इही काम बर सब्बो जवान बस म सवार होके जात रहिन। रद्दा म हि ये दुरघटना हो गेय।
जांजगीर-चांपा के पुलिस अधीक्षक (एसपी) अभिषेक पल्लव ह बताइन कि दुर्घटना सुबह 7 बजकर 45 मिनट म शिवरी नारायन थाना क्षेत्र के कानसदा पुल कना होइस। मुख्यमंत्री भूपेश बघेल के जांजगीर-चांपा के प्रस्तावित यात्रा खराब मउसम के सेती रद कर देय गिस।
मुख्यमंत्री भूपेश लिन जानकारी
मुख्यमंत्री भूपेश बघेल ह ये घटना के अधिकारी मन ले जानकारी लिन। अउ घायल जवान मन के इलाज बर निरदेस दिन। उंही खराब मउसम के सेती जांजगीर-चांपा जिला के कार्यक्रम म नई जाय पाइस। अउ कार्यक्रम ल रद करे बर पड़िस।
