हीरा तस्कर होइस गिरफ्तार, 71 नग हीरा करिन जब्त
गरियाबंद। जिला के पुलिस बल ल बड़का सफलता मिलिस हे। मुखबिर से सूचना के बाद एक हीरा तस्कर ल धर दबोचिस। अउ ओकर ले 71 नग हीरा जब्त करिस।
पुलिस ह धुरवागुड़ी नाला कना ये कार्रवाई करिन। आरोपी के कब्जा ले लाखों के हीरा मिलिस। पूछताछ के बाद मउका म ही आरोपी ल गिरफ्तारी करे गिस।
पुलिस ल सूचना मिलिस कि एक व्यक्ति हीरा बेचे बर ऐती ओती घुमत हे। ग्राहक के तलास करत हे।
अमलीपदर थाना प्रभारी ह येकर जानकारी अपन बड़का अधिकारी ल दिन। येकर बाद पुरा इलाका के घेराबंदी करिन अउ आरोपी युवक ल हीरा के संग गिरफ्तार करिन।
