मुख्य सचिव अमिताभ जैन सादगी ले पदभार गरहन करिन

प्रसासनिक सेवा 1989 बेच के अधिकारी अमिताभ जैन छत्तीसगढ़ के मुख्य सचिव के पदभार गरहन करिन। जैन राज्य के 12वां मुख्य सचिव के रूप म अपन पदभार सादगी ले गरहन करिन।
अमिताभ जैन छत्तीसगढ़ के रहइया हरय। वोहा लन्दन हाई कमीसन म घलो अपन सेवा दिन। उन्हा भारत अउ ब्रिटेन के बीच व्यापार अउ निवेस बढ़ाय के का। करत रहिन। स्कूली पढ़ई बालोद के दल्ली राजहरा म होइन। अविभाजित मध्य प्रदेस म 11वीं बोर्ड म टॉपर रहिन।
जैन ह रायपुर म इंजीनियरिंग करे के बाद एमटेक करिन।
आईएएस के रूप म जैन के पोस्टिंग जबलपुर म होइस। पहिली जिम्मेदारी असिस्टेट कलेक्टर लैंड रेवेन्यू मजिस्टेट के रूप म होइस।
येकर बाद नीमच, सरगुजा, ग्वालियर म बिभिन्न प्रसासनिक पद सम्भालिस। जैन राजगढ़, छतरपुर अउ होशंगाबाद म कलेक्टर रहिन। रायपुर जिला म दू बार कलेक्टर रहिन। येकर बाद छत्तीसगढ़ सासन म सचिव, प्रमुख सचिव अउ अपर सचिव के रूम म बिभिन्न बिभाग के दायित्व कुसलता ले सम्भालिस।

Leave a Reply

Your email address will not be published. Required fields are marked *