हर हाट-बाजार मन म लगही स्वास्थ्य, शिक्षा, सुपोषण अउ कृषक पंजीयन शिविर

कोण्डागांव, जिला कलेक्टर नीलकंठ टीकाम के निर्देशानुसार अब हर हाट-बाजार मन म स्वास्थ्य, शिक्षा, सुपोषण अउ मक्का प्रसंस्करण केन्द्र बर कृषक पंजीयन शिविर संयुक्त रुप म आयोजित करे जाही। ए शिविर मन म गँवई समाज ल स्वास्थ्य, शिक्षा, सुपोषण के प्रति जागरुक करे के संगे संग उन्कर मक्का प्रसंस्करण केन्द्र बर घलो पंजीयन करे के प्रक्रिया होही। एकर छोड़ गाँव गँवई के मनखे मन के मानसिकता ल अउ बने ज्यादा प्रभावित करे बर कला जत्था मन के तको सहायता लिए जावत हवय जउन मन स्थानीय बोली म नाचा गम्मत प्रस्तुत करके ग्रामीण मनखे मन ल प्रेरित करत हावय। ए तरह कुल मिलाके इन भगीरथ प्रयास मन के मूल लक्ष्य कोण्डागांव जिला ल स्वास्थ्य के संगे-संग शिक्षा अउ रोजगार के क्षेत्र म घलो सर्राटा आगू बाढ़त जिला के रूप म प्रस्तुत करना हवय। समय-सीमा के बैठक म उन्कर डाहर ले प्रस्तुत प्रतिवेदन के कलेक्टर कोति ले सउँहत समीक्षा करे जाथे।