सोड़का अउ खर्री छोटे म पानी बर नाली के बेवस्था

  • रायगढ़ सोण्डका अउ खर्रीछोटे के किसान मन ल सिंचाई बर पक्का नाली ले मिलत हे पानी
  • गांव के तीर तखार के 71 हेक्टेयर खेत मन म मिलत हे पानी
  • 102 किसान होवत हे लाभान्वित

सारंगढ़ विकासखण्ड के ग्राम पंचायत सोण्डका म मनरेगा योजना के तहत वेस्ट वेयर सिंचाई योजना के तहत किसान मन बर 19 लाख 98 हजार के लागत ले सिंचाई खातिर पक्का नाली के निर्माण करे गे हावय। भू-जल संवर्धन बर नाली के निर्माण कार्य मनरेगा अउ आने मद ले करे जावत हावय। एकर सार्थक लाभ ये होही कि कमती सिंचाई अउ सूखा के संभावना वाले क्षेत्र मन में सूक्ष्म सिंचाई के माध्यम ले किसान मन ल खेती-बाऱी बर नरवा के पानी के उपयोग कर सकत हे। कलेक्टर श्री यशवंत कुमार के मार्गदर्शन म मनरेगा के तहत जल स्त्रोत ले जल रिसाव ल रोके के उद्देश्य ले जुन्ना नहर मन के जीर्णोद्धार करे जावत हे, ताकि किसान कमती पानी ले अपन खेत मन म अधिक उत्पादन करके एक बछर म दू फसल के पैदावार आसानी ले कर सकत हे। जिला पंचायत के मुख्य कार्यपालन अधिकारी श्रीमती चंदन संजय त्रिपाठी ह बताइन कि ग्राम पंचायत मन म किसान मन के सहभागिता ले जल संरक्षण अउ संवर्धन खातिर जागरूकता लाने बर सार्थक कार्य करे जावत हावय। सारंगढ़ विकासखण्ड के ग्राम पंचायत सोण्डका अउ ग्राम-खर्री छोटे म 2018-19 म मनरेगा के अंतर्गत 19 लाख 98 हजार रुपिया के लागत ले नाली निर्माण करे गे हे। तीर तखार के 102 किसान लाभान्वित होवत हावय अउ एकर अंतर्गत 71 हेक्टेयर खेत मन म खेती-किसानी बर किसान मन ल सहज ही पानी के सुविधा मिलही। संगे संग नरवा के पानी एक खेत ले दूसर खेत होवत सिंचाई बर जाही।

चटकारा
डेरहा:- का बात ए एसो जी परान देके अब्बड़ राँय राँय कमावत हस चैतू।
चैतू:- अरे, ’खेती अपन सेती’ अउ ’पानी ले जिनगानी’ कहिथे भैया। पेट बिगारी अतको नइ करबे त कइसे बनही।
डेरहा:- सिरतोन कहे चैतू, जिनगी ल पार तो इही लगाही, दूसर थोरे आही।

Related posts