बिलासपुर : पालतू पशु-पक्षी बेचइया मन ल कराए बर परही पंजीयन

मोपका क्षेत्र म सर्वसुविधायुक्त पशुशाला बनाए के प्रस्ताव
जिला पशु कल्याण समिति के बैठक के निर्णय

धमेन्‍द्र निर्मल के सार समाचार, कलेक्टर डाॅ.संजय अलंग के अध्यक्षता म जिला पशु कल्याण समिति के बइठका सम्पन्न होइस । बैठका म पालतू पशु-पक्षी बेचइया मन ल पंजीयन कराए बर कहे गे हे। पंजीयन कराए बर विक्रेता मन ल नगर-निगम म आवेदन करना होही। आवेदन के पीछु पशु चिकित्सा विभाग 7 दिन के अंदर दुकान के मानक अनुरूप निरीक्षण करही। हरेक पशु-पक्षी के जगा अउ आने आने सुविधा बर मानक तय करे जाही। जेकरेे अनुरूप विक्रेता मन ल दुकान म पालतू पशु-पक्षी मन बर सुविधा उपलब्ध कराना होही। आवेदन करे के 60 दिन के अंदर पंजीयन नइ होए म दुकान बंद करा दे जाही।

अन्तर्राष्ट्रीय योग दिवस म आज छत्तीसगढ़ के मुख्यमंत्री ह दिल्ली म बिहनिया करिन योग..





बैठक म मोपका क्षेत्र म पशुशाला बनाने के प्रस्ताव रखे गइस। जेमा पशु मन के देखरेख बर सरलग रूप ले चिकित्सा अधिकारी उपलब्ध रहिही। नगर-निगम अउ आने नगरीय निकाय पशु चिकित्सा विभाग के सहायता लेे चारा उपलब्ध कराही। पशु शाला बर स्वयंसेवी संस्था मन ले तको सहायता के आव्हान करे गे हे।



चटकारा
मैना:- बधाई हो मिट्ठू भैया !
मिट्ठू:- का के नोनी ?
मैना:- वा तैं नइ जानस। अब तो तुँहरो दिन बउर गे गा। पशुशाला घलो खुलइया हे।
कुकरी:- मोरे जिनगी अंधियार हे बहिनी, उपरे वाले जानै का होही ते।
मैना मिट्ठू:- दम धर, दम धर, तोरो दिन आही। उपर वाले के घर म देर हे अंधेर नइ हे।





केन्द्र ह राज्‍य उपर जादा बोझा झन डारय, भलुक राज्‍य के करय सहायता : श्री भूपेश बघेल

Related posts