खेती बर बहुतेच उपयोगी ये 12 प्रकार के जैविक टीका

आज कल खेती बर अड़बड़ रासयनिक खातू अऊ कीटनाशक मन के परयोग जादा करे जात हे। जऊन एक पइत तो असर करथे फेर लम्बा समय तक परयोग करे ले वो माटी के उपजाऊ शक्ति ल कम कर देथे।संगेच धीरे धीरे एकर असर घलोक कम होए लागथे। अइसन म कहूं आप मन जैविक टीका के उपयोग करहू त आप मन के फसल उत्पादन तो बाढ़हिच संगे एकर असर घलोक कइ बछर तक चलही। आवव देखन ये का ये अउ येकर ले का लाभ होथे-




नील हरित शैवाल टीका: धान म बिक्‍कट लाभकारी हे। ये नत्रजन के अलावा जैविक कार्बन अउ पादप वृद्धि करइया जिनिस घलोक देथे। एक एकड़ के धान के फसल ल उपचारित करे बर 500 ग्राम के एक पैकेट टीका काफी होथे। येकर से फसल म 20 ले 30 किलोग्राम नत्रजन प्रति हेक्टेयर के लाभ होथे।
अजोला टीका: ये एक आदर्श जैविक प्रणाली ये। जऊन गरम जघा म धान के खेत उपर वायुमंडलीय नत्रजन के जैविक स्थिरीकरण करथे। अजोला टीका ह 25 ले 30 किलोग्राम नत्रजन के प्रति हेक्टेयर प्रति फसल ल योगदान करथे।
हरियर खाद: साल म एक पइत हरियर खाद उगाके, खेत ल जोतके कार्बनिक अंश ल बनाए रखे जा सकत हे। हरियर खाद म दलहनी फसल, पेड़ के पाना, खरपतवार मन ल जोतके उपयोग करे जाथे। एक दलहनी परिवार के फसल 10-25 टन हरियर खाद पैदा करथे। एला जोते ले 60 ले 90 किलोग्राम नत्रजन प्रति हेक्टेयर के दर ले मिलथे।




ढैंचा: ये फसल 40 ले 60 दिन म जोते लाइक हो जाथे। ये 50 ले 60 किलोग्राम नत्रजन के प्रति हेक्टेयर आपूर्ति करथे। बोवाई बर 30 ले 40 किलोग्राम बीज प्रति हेक्टेयर डालके दू ले तीन सिंचाई करना परथे। एखर अलावा नील हरित शैवाल टीका, आरबसकूयलर माइकोराजा न्यूट्रीलिंक टीका, सूबबूल आदि घलोक लाभकारी हे।
कंपोस्ट टीका: ए टीका के परयोग ले धान के पुआल के 6 ले 9 हफ्ता के अंदर बहुत अच्छा कंपोस्ट बन जाथे। एक पैकेट के भीतरी 500 ग्राम टीका होथे जऊन एक टन कृषि अवशेष ल लउहे ले सरोके कंपोस्ट बनाए बर काफी हे।
राइजोबियम टीका: राइजोबियम के टीका दलहनी, तिलहनी अउ चारा वाले फसल मन म परयोग होथे। ये 50 ले 100 किलोग्राम नत्रजन प्रति हेक्टेयर के जैविक स्थिरीकरण कर सकत हे। एखर से 25 ले 30 फीसदी फसल उत्पादन बाढ़थे।




एजोटोबैक्टर टीका: ये स्वतंत्र जीवी जीवाणु ये। एकर प्रयोग गेहूं, धान, मक्का, बाजरा आदि, टमाटर, आलू, बैंगन, प्याज, कपास सरसों आदि म करथें। येह 15 ले 20 किलोग्राम नत्रजन प्रति हेक्टेयर के बचत करथे। येकर से 10 ले 20 प्रतिशत फसल बाढ़थे।
एजोस्पिरिलम टीका: एकर परयोग अनाज वाले फसल मन म होथे। जइसे ज्वार, बाजरा, रागी, मोटहा छोटे अनाज अउ जई म होथे। ये ह चारा वाले फसल मन म घलोक लाभकारी होथे। येकर से 15 ले 20 किलोग्राम नत्रजन प्रति हेक्टेयर बचत होथे। फसल चारा के उत्पादन बाढ़थे।
फास्फोरस विलयी जीवाणु टीका: फास्फोरस पौधा मन बर मुख्य पोषक तत्व हे। ए टीका के परयोग ले माटी म मौजूद अघुलनशील फास्फोरस घुलनशील होके पौधा मन ल मिले लगथे।





Related posts