नरवा, गरूवा, घुरूवा अऊ बारी के सपना होए लागिस पूरा

गांव मन म लउहे आकार लेवत हे दईहान, पशुधन के संवर्धन के संग बाढ़ही गांव के आमदनी
जिला के 97 ग्राम पंचायत मन म बनाये जात हे गौठान, 10 ग्राम पंचायत बनत हे मॉडल

रायपुर, छत्तीसगढ़ सरकार के नरवा, गरूवा, घुरूवा अऊ बारी के परिकल्पना तेजी ले धरातल म आकार लेवत हे। रायपुर जिला के 97 ग्राम पंचायत मन म जगा के चयन करके गौठान के निर्माण तेजी ले करे जात हे। ये मां रायपुर जिला के 10 ग्राम पंचायत मन ल मॉडल के रूप म घलोक विकसित करे जात हे। ए गौठान (दईहान) मन के निमाण ले जिहां गांव मन म पशु मन ल एक डे-केयर सेंटर के लाभ मिल सकही उन्‍हें ये गौठान गांव वाले मन बर विशेषकर गांव के महिला स्व सहायता समूह मन के अजीविका संवर्धन बर अऊ ओ मन ल आत्मनिर्भर बनाए म बहुत ही महत्वपूर्ण साबित होही।



जिला पंचायत के मुख्य कार्यपालन अधिकारी डॉ. गौरव कुमार सिंह सरलग ए ग्राम मन म पहुंचके गौठान निर्माण के प्रगति के समीक्षा करत हें उन्‍हें गौठान के संचालन म महिला समूह मन के भागीदारी सुनिश्चित करे बर ग्रामीण महिला मन ल प्रेरित घलोक करत हें।




ये गांव मन बनत हे मॉडल
जिला के जऊन ग्राम पंचायत मन ल मॉडल के रूप म विकसित करे जात हे ओमां अभनपुर विकासखण्ड के ग्राम पलौद, नवागांव, धनौद व तामासिवनी हे। अइसनहे आरंग विकासखण्ड म बैहार, बनचरोदा, पारागांव व बेनीडीह, तिल्दा विकास खण्ड म बुडे़नी अऊ धरसींवा विकासखण्ड म पथरी ल लेहे गए हे।




डॉ.गौरव कुमार सिंह ह बताइस कि ए गौठान मन म पशु मन के पीए के पानी बर ट्यूबवेल अऊ सोलरपंप लगाए जात हे। अउ गरूवा के बइठे के जगा म पारंपरिक तरीका ले घासफूस सहित शेड के निर्माण कराए गए हे। पशु मन बर पैरा के व्यवस्था बर गांव वाले मन के सहयोग घलोक लेहे जात हे। गौबर खाद बर वर्मी बैड के व्यवस्था इहां करे गए हे। गौठान मन के संचालन बर राष्ट्रीय ग्रामीण अजीविका मिशन बिहान के महिला स्वसहायता समूह मन ल जोड़े जात हे ताकि वो मन इहां उत्पन्न होवइया खाद अऊ आन आय मूलक गतिविधि मन ले अपन अजीविका के संवर्धन करके अपन ल आत्मनिर्भर बना सकंय।



पशु मन ल गौठान म लाये अउ उहां 8 घण्टा तक रहे बर सबो तैयारी करे जात हे। पशु मन के इहां नियमित रूप ले उपस्थिति बर चरवाहा मन ल घलोक प्रेरित करे जात हे। जल्‍दीच ये गौठान मन अपन पूर्ण रूप म काम करे लगही अऊ ये शासन के मंशानुरूप ग्रामीण अर्थव्यवस्था ल सुदृढ़ीकरण म अभिनव भूमिका निभाही।

Related posts