एके स्कूल के 11 गुरू गैरहाजिर, कारण बताओ नोटिस जारी

जिला शिक्षा अधिकारी श्री टी.के. साहू ह स्थानीय डाॅ. शोभाराम देवांगन शासकीय उच्चतर माध्यमिक विद्यालय के संस्था प्रमुख ल कारण बताओ नोटिस जारी करे हे। उनके डाहर ले करे गए आकस्मिक निरीक्षण के बेरा कार्यालयीन समय म पांच व्याख्याता, एक प्रधानपाठक, दू शिक्षक (एल.बी.), दू लिपिक अउ एक झिन भृत्य अनुपस्थित पाए गइस। उल्लेखनीय हवय कि कलेक्टर श्री रजत बंसल के निर्देश म स्कूल मन के उदुपहा निरीक्षण जिला शिक्षा अधिकारी डाहर ले करे जावत हावय। इही क्रम म जिला शिक्षा अधिकारी श्री साहू ह शुक्रवार पांच जुलाई के बिहिनिया दस बजे स्थानीय डाॅ. शोभाराम देवांगन शासकीय उच्चतर माध्यमिक विद्यालय का औचक निरीक्षण करिन।

इही बेरा विद्यालय म पदस्थ व्याख्याता श्रीमती पूनम पाण्डेय, श्री मिलवंत राम साहू, श्री कमलेश कुमार साहू, श्री मनोज कुमार साहू अउ डाॅ. प्रदीप शर्मा अनुपस्थित पाए गइस। ओइसनेहेच प्रधानपाठक सुश्री सुभद्रा कश्यप, शिक्षक एल.बी. संवर्ग के श्रीमती आरती शिंदे, श्री दिनेश सोनकर, सहायक ग्रेड-02 श्री दिलीप कुमार साहू, सहायक ग्रेड-03 श्रीमती सरोज गुरूपंचायन अउ स्कूल के भृत्य श्री रणजीत सिंह पटेल घलो विद्यालय मे गैरहाजिर मिलिस। जिला शिक्षा अधिकारी मन उक्त बूता ल छत्तीसगढ़ सिविल सेवा आचरण नियम 1965 के कण्डिका 2 के प्रावधान मन के प्रतिकूल मानत हुए तत्संबंध म संस्था प्रमुख ल कारण बताओ नोटिस जारी करके दू दिन के भीतर तथ्यात्मक प्रतिवेदन के संग प्रस्तुत करे बर अउ अनुपस्थित शिक्षक मन के उक्त दिवस ल अकार्य दिवस मानत हुए आगू के कार्रवाई सुनिश्चित करे के निर्देश दिए हावय।

चटकारा
बंठा – मोर चिरई के गोड़ टूटगे कहाँ जाँव बिहाए ल।
अंकालू – खेल बेटा खेल, जब तोर गोड़ टूटही न तब पता चलही।

Related posts