छाप, छापा अउ छपकौला

छत्तीसगढ़ के राजधानी समेत 19 राज्यों में CBI केे छापा, बड़े भ्रष्टाचार के होही खुलासा

छत्तीसगढ़ की राजधानी रायपुर सम्मेत देशभर के 19 राज्य मन के 110 ठिहा मन म सीबीआई ह दबोचके छापामारी करिन हे. रायपुर के घलो कई ठो ठिहा-ठिकाना मन हथियार मन के तस्करी, भ्रष्टाचार के संगे संग अउ आन -आन आपराधिक मामला मन के शिकायत मिलत रिहिसे, जेकर के बाद सीबीआई ये कार्रवाई करिन हे. सीबीआई के प्रवक्ता आर के गौर ह एकर पुष्टि करिन हे. फेर रायपुर के कोन जगहा म छापामारी होए हे एकर जानबा नइ होए हावय.




जानकारी के मुताबिक सीबीआई ह ये कार्रवाई भ्रष्टाचार के 30 ठन मामला ल लेके करिन हे. बताथे कि छापामारी म अभीन तक जउन दस्तावेज सीबीआई ह बरामद करे हे ओकर आधार म 20 ठो मामला दर्ज करे गे हे. सीबीआई के ये कार्रवाई ल केन्द्र सरकार डाहर ले भ्रष्टाचार के खिलाफ जीरो टॉलरेंस के नीति ल लेके घलो देखे जावत हावय. केन्द्र ह सीबीआई ह ये बाबत स्पष्ट निर्देश दिए रिहिसे. 2006-07 के बाद एक बार फेर सीबीआई ह अतेक बड़े पैमाना म कार्रवाई करे हवय.

दिल्ली, भरतपुर, मुंबई, चंडीगढ़, जम्मू, श्रीनगर, पुणे, जयपुर, गोवा, कानपुर, रायपुर, हैदराबाद, मदुरै, कोलकाता, राउरकेला, रांची, बोकारो, लखनऊ संग अब्बड़ अकन जम्मो शहर मन म जांच चलत हावय. इन्कर छोड़ उत्तर प्रदेश, उत्तराखंड, ओडिशा, हिमाचल प्रदेश, पंजाब, हरियाणा, आंध्र प्रदेश, कर्नाटक, बिहार म घलोक सीबीआई ह दबिश दीन हवय.



चटकारा
धनी:- अरे भाई, काली यह्हा बड़े मछरी मोर हाथ म धरागे रिहिसे, मेह डर्रा गेंव ताहेन छोड़ देंव यार।
मनी:- चल बे, भागे मछरी जाँघ अस रोंठ। जानत हन तोर मछरी पकड़ई ल। पकड़े बर सरांगी बताए बर कतला।

Related posts