देश के पहिली रेड सिंधी गाय संरक्षण केंद्र

इफको किसान, उत्तराखंड पशुधन विकास ह देश के पहिली अइसन फार्म बनाये हे जिहां रेड सिंधी गाय मन के बड़ संख्या म संरक्षण अऊ संवर्धन करे जात हे। ए फार्म म इंकर संरक्षण के संगे-संग भ्रूण प्रत्यारोपण के काम घलोक करे जात हे। अउ इंकर भ्रूण ल देश के कई राज्य मन म भेजे जात हे। फार्म म ए प्रजाति के करीबन 298 भ्रूण संरक्षित करे गे हे अऊ हाल म भारत सरकार के प्रोजेक्ट सैंक्शनिंग कमिटी कोति ले ए प्रक्षेत्र ल भारत के उत्तरी क्षेत्र बर सेंटर ऑफ एक्सीलेंस के रूप म घलोक स्वीकृत कर देहे गए हे। देश के केरल, कर्नाटक, सीमांध्र, राजस्थान, पंजाब संग देश के कई प्रांत मन ले रेड सिंधी गाय के भ्रूण के मांग सरलग होवत हे। फार्म म भ्रूण उत्पादन के संगेच डेयरी फार्म ले रोजेच 600 लीटर दूध, 3000 लीटर गो अर्क के उत्पादन करे जात हे।
हम आप ल बता देवन के रेड सिंधी गाय ह अच्छा दुध उत्पादक गाय के नस्ल ये। येकर एक गाय रोजेच 10 लीटर दूध देथे। एकर वार्षिक दूघ उत्पादन 3500 लीटर हे।



Related posts