कृषि उत्पादन आयुक्त ह उन्नत बीज अउ उर्वरक के उपलब्धता, भण्डारण अऊ वितरण के करिन समीक्षा

रायपुर, अपर मुख्य सचिव अउ कृषि उत्पादन आयुक्त श्री के.डी.पी. राव ह काल इहां मंत्रालय म आगामी खरीफ सीजन बर किसान मन ल कृषि बीज अउ रासायनिक खाद के मांग, उपलब्धता अउ भण्डारण के समीक्षा करिन। उमन सबो संबंधित अधिकारी मन ल निर्देशित करिन के ओ मन क्षेत्र के अधिकारी मन अउ जिला कलेक्टर्स ले नियमित गोठ अउ समन्वय रखत जरूरत अनुसार उन्नत बीज अउ उर्वरक के उपलब्धता सुनिश्चित रखयं।
बैठक म श्री भीम सिंह, संचालक कृषि, श्री जन्मेजय महोबे, प्रबंध संचालक बीज निगम, श्री एच.के. नागदेव, प्रबंध संचालक अपेक्स बैंक, श्री एम.एल. सिरदार, महाप्रबंधक मार्कफेड अउ श्री एम.एस. केरकेट्टा, अपर संचालक संचालनालय कृषि उपस्थित रहिन।

Related posts