किसान बिना कोचिया (बिचौलिया) के बेंच सकही सब्जी, योजना फेल

रायपुर, पहिली आवव पहिली पावव के तर्ज म किसान मन बर देवेंद्रनगर स्थित किसान मंडी तैयार करे गए रहिस, फेर करीबन दू करोड रुपिया खरच करे के बाद घलोक योजना के फायदा किसान मन ल नइ मिल पावत हे, जबकि अधिकारी मन के कहना हे के ए योजना के माध्यम ले एक तरफ जिहां शहरवासी मन ल सीधा खेत ले फल, सब्जि अऊ दूध मिलही। उन्‍हें किसान मन ल घलोक बिना कोनो कोचिया (बिचौलिया) के सीधा ग्राहक मन ल उत्पाद बेचे ले जादा मुनाफा मिलही। छत्तीसगढ राज्य कृषि मंडी बोर्ड ह जुन्ना गंज मंडी अऊ नवा मंडी पंडरी म करीबन 1.50 करोड रुपिया खरच करके दू साल पहिली 156 दुकान तइयार करे रहिस। फेर ए मंडी म बाजार तियार होना तो दूरिहा, असामाजिक तत्व मन के अड्डा पहिली बन गइस। अभी हाल के स्थिति ल देखव त सिरिफ 30 किसान ह इहां दुकान लगाय बर आवेदन करे हे, जबकि दुकान मन के संख्या 156 हे।






Related posts