ए साल मानसून सामान्य रहे के हे संभावना

नई दिल्ली, भारतीय मौसम विभाग (आईएमडी) के मुताबिक ए पईत चालू मानसून सीजन म सामान्य बारिश के अनुमान हे। एखर से खेती अच्छा होही अऊ देश के वित्तीय हालत घलोक सुधरही। साल 2019 के मानसून अल नीनो के प्रभाव के खतरा ले बाहिर रहिही। मानसून के समय जून ले सितंबर तक बारिश करीबन सामान्य रहे अऊ लम्‍बा झड़ी संग औसत 96 प्रतिशत बरसात होए के संभावना हे। ए पईत मानसून सीजन म चारो-मुड़ा बराबर बारिश होने वाला हे, जऊन खेती के लिहाज ले बहुतेच अच्छा रहिही। आप मन तो जानतेच होहू के देश के 50 प्रतिशत खेती असिंचित हे, अऊ पूरा बरसात उपर आसरित हे। देश के अर्थव्यवस्था म कृषि के 15 प्रतिशत हिस्सेदारी हे। मौसम विभाग के ये पहिली पूर्वानुमान हे, दूसर पूर्वानुमान जून के पहिली हफ्ता म आही।






Related posts